Renate Ekerhovd er ein norsk koloratur­sopran med ein klår, sølvskimrande klang og eit sterkt scenisk nærvær. Ho er kjend for teknisk overskot, presis timing og ei leikande musikalsk tilnærming, både på operascena og i konsertsamanheng.

Ho har hatt engasjement ved leiande operahus og institusjonar i Noreg og utlandet, mellom anna Den Norske Opera & Ballett, Den Kongelige Danske Opera, Bergen Nasjonale Opera og Theater Basel. Blant rollene hennar finn ein Nattens dronning (Tryllefløyten), Musetta (la Boheme), Oscar (Maskeballet) og Adele (Flaggermusen), og ho er òg ein etterspurd konsertsolist som har samarbeidd med ei rekkje leiande orkester og dirigentar.

Renate er utdanna ved Noregs musikkhøgskole og Det Kongelige Operaakademiet i København, og kjem opphavleg frå Sotra utanfor Bergen.
Foto: Erik Maxim

Eivind kjem frå Kandal i Nordfjord. Han avslutta si utdanning ved Operaakademiet i København våren 2017, men debuterte som operasongar allereie i 2012 i operaen Querini på Røst i Lofoten.

Eivind har vore solist i lang rekkje operaframsyningar, kyrkjemusikalske verk og samtidsverk, både internasjonalt og heime i Noreg mellom anna ved Det Kongelige Teater i København, Den Norske Opera & Ballett, Operaen i Kristiansund, Opera Trøndelag, Opera Kysten og Opera Nordfjord. I tillegg har han vore med på å produsere og framføre ei rekkje framsyningar og konsertar som har turnert både Aust-, Vest- og Nord-Noreg.

Eivind og sambuaren Torstein Kollevåg driv Sølvane Gard i Kandal, der dei arrangerar operakonsertar og ei mengde andre kulturelle arrangement.
Foto: Roy Sunde

Nora Oleanne Sårheim (sopran) har sine mastergrader ifrå Griegakademiet –institutt for musikk ved UiB, og Operahøgskolen ved Kunsthøgskolen i Oslo. Den vestlandske sopranen med den unike formidlingsevna har gjort det stort fleire stadar i landet med sin lyriske klang, og sine nynorske gjendiktingar av opera og operetteariar. Nora er også initiativtakar og kunstnarleg leiar for OperaKysten og song rolla som Madame Borchgrevinch i den fyste oppsettinga deira, ”Der Schauspieldirektor” i 2016.

I tre ti-år har florøværingen engasjert seg sterkt i det lokale kulturlivet, både som arrangør og utøvar. Han er primus motor bak Florarevyen, der han også har vore leiar, tekstforfattar og skodespelar gjennom 25 år. Han har arrangert musikk- og fotballfestivalar, MGP delfinalar, store næringslivsarrangement, fekk Flora kommune sin kulturpris i 2008 og var mellom anna prosjektleiar for Sogn og Fjordane sin store 250-årskulturfest på Saften i Leikanger i 2013.

Lina er ein etterspurd pianist blant songarar og instrumentalistar, og arbeider som førsteamanuensis i akkompagnement ved Norges Musikkhøgskole. Her er ho i tillegg seksjonsleiar for klaver, akkompagnement, gitar og akkordeon. Våren 2018 var ho repetitør full tid ved Wermlandopera i Karlstad, og ho har vore tilsett over fleire år ved KHiO, avd. operahøgskolen. Ho er prisbeløna som både som kammermusikar og solopianist, m.a. med 1. pris i Nordic Lied Duo Competition i 2003.

Lina har stor kjærleik til arbeidet med lieder og opera, noko frilanskarrieren hennar avspeglar. Ho har vore offisiell akkompagnatør ved Dronning Sonjas Internasjonale Musikkonkurranse sidan 2009, og er jamleg repetitør for t.d. Opera Østfold og Oscarsborgoperaen. I 2021 starta ho konsertserien Romansekonserter Oslo, der berre romanser står på programmet.

Våren 2005 tok Lina diplomeksamen ved Norges Musikkhøgskole i Oslo (prof. Einar Steen-Nøkleberg), etter studium ved Griegakademiet i Bergen (prof. Jiri Hlinka) og Sibeliusakademiet i Helsingfors (prof. Liisa Pohjola).

Lars Harald Maagerø er utdanna i regi ved LAMDA i London og har doktorgrad i teater frå University of Kent. Som regissør har han blant anna arbeidd med Opera Østfold, Thesbiteatret, Oslo Operafestival og Operahøgskolen. Han har vore regiassistent ved Den Norske Opera, Den Nationale Scene og Münchner Kammerspiele. Til dagleg jobbar Lars Harald ved Canterbury Christ Church University i Storbritannia.