Mari Askvik har si utdanning frå Griegakademiet, Norges Musikkhøgskole og Operahøgskolen i Oslo. Heilt frå oppveksten i Aurland i Indre Sogn har også folkemusikken prega hennar musikalitet. I dag jobber ho som operasongar, konsertsongar og ensemblesongar, og er blant landets mest ettertrakta konsertsolistar. I 2024 mottok ho Statens Kunstnarstipend, mellom anna for sitt arbeid med å flette inn folkemusikk i sitt virke som klassisk songar.

Mari hadde i 2022 sin internasjonale operadebut ved Opera North i Storbritannia som Bradamante i operaen "Alcina" av Händel, dirigert av Laurence Cummings. Seinare same år hadde ho nok en Händel-debut, denne gongen i Bogotá, Colombia, som Disinganno i "Il trionfo del Tempo e del Disinganno". I påska 2023 hadde hun sin franske debut då ho framførte Matteuspasjonen av Bach i Filharmonien i Paris med det franske barokkensemblet Les Talens Lyriques under leiing av Christophe Rousset. I påska 2025 skal ho på ein lengre turné i Sveits og Frankrike med det same ensemblet, denne gongen med Påskeoratoriet av Bach. 

I sesongen 2023/2024 debuterte Mari på Den Norske Opera & Ballett som Flora i La Traviata av Verdi under leiing av Anja Bihlmaier. og Constantin Trinks.

Mari syng også i Det Norske Solistkor og reiser jamnleg i inn- og utland med dei.

foto: Ingvild Festervoll Melien

Nora Oleanne Sårheim har sine mastergrader ifrå Griegakademiet –institutt for musikk ved UiB, og Operahøgskolen ved Kunsthøgskolen i Oslo. I Oslo har ho vore å sjå som Donna Anna i ”Don Giovanni” og Contessa i "Le Nozze di Figaro" på, så vel som Fiordiligi i "Cosi fan tutte" under Oslo Operafestival.

Nora Oleanne var initiativtakar til OperaKysten i Florø, og song rolla som Madame Borchgrevinch i den fyste oppsettinga deira, ”Der Schauspieldirektor” i 2016. Nora har vore kunstnarleg leiar for OperaKysten sidan den fyrste produksjonen dei gjorde i 2015. 

Hausten 2018 stifta Nora Oleanne OratorieSolistene og er sopransolist og kunstnarleg ansvarleg for den kyrkjemusikalske gruppa.

foto: Magnus Skrede

Amanda Kvammen er ein ung sopran frå Førde. No går ho på Bergen Private Gymnas der ho lærer klassisk song hos Hilde Veslemøy Hagen. I tillegg er ho tatt opp i Griegakademiets Unge Talenter med Hilde Sveen som lærer. Amanda starta å synge då ho var 8 år på Sunnfjord Kulturskule med Christine Marøy, og fekk kjapt interesse for klassisk og opera. I 2022 vant ho første pris i Ungdoms Musikkmesterskap blant songarar på alderen hennar. I 2023 blei ho tildelt Furorestipendet, som gjorde det mogleg å utvikle stemmen videre ved å gå på kurs som Voksenåsen Sommerakademi. I 2024 deltok Amanda på Nina Grieg Solo competition, og kom til semifinalen sjølv om ho var den yngste deltakaren.

Amanda ønsker å følge drømmen om å bli ein profesjonell musiker.

Andreas Løken Taklo er ein ettertrakta musikar, både som solist, kammermusikar, akkompagnatør og repetitør. Han har hatt solistoppdrag med orkester i Italia og Noreg, og hatt solokonsertar i Frankrike, Tyskland og Russland.

Andreas har ein master i utøvande musikk frå Barratt Due musikkinstitutt i Oslo, og ein master som operarepetitør ved Noregs musikkhøgskule. Han har jobba som repetitør for Opera Nordfjord sidan 2017. No for tida jobbar han som operarepetitør ved Den norske opera og ballett i Oslo, og blir jamleg leigd inn som akkompagnatør til Barratt Due musikkinstitutt og andre institusjonar.

foto: Caroline Olava Halvorsen