I 2026 markerte OperaKysten sitt 10-årsjubileum med å vende attende til røtene og setje opp Teaterdirektøren av Mozart – akkurat slik det heile starta i 2016. Det som ein gong fylte kinosalen i Florø til randa, gjorde no suksess som jubileumsturné gjennom heile gamle Sogn og Fjordane. Forestillinga hadde premiere på Operahuset Nordfjord, gjesta Sogndal Kulturhus og avslutta det heile i Florø Kulturhus.

På scena møtte publikum den unge og lovande sopranen Frk. Songstad (Renate Ekerhovd), divaen Madame Borchgrevinch (Nora Oleanne Sårheim), den entusiastiske assistenten (Eivind Kandal) og sjølvaste teaterdirektøren (Per Øyvind Helle). Den vesle komedien om rivalisering og sjarmerande kaos bak sceneteppet vart elegant iscenesett av regissør Lars Harald Maagerø, med Lina Braaten som stødig musikalsk følgje ved flygelet. Heile framsyninga vart framført på nynorsk i gjendikting av OperaKysten sin eigen kunstnarlege ansvarlege, Nora Oleanne Sårheim.

Jubileumsåret vart ei stor hending – ikkje berre for OperaKysten, men for heile Florø som operaby. Oppsetninga fekk strålande kritikkar og vart varmt motteken av publikum. Under framsyninga i Florø var Fylkeskommunen representert ved leiaren for hovudutval for kultur, idrett og inkludering, som overrekte blomar og gratulasjonar. Kinn Bryggeri hadde til og med brygga eit eige opera-øl, Røyst, og eit livleg nachspel på Vesle Kinn sette ei perfekt ramme rundt feiringa.

Jubileumsturneen stadfesta OperaKysten si rolle som ei viktig kulturkraft i regionen – og som ein operagjeng som framleis evnar å begeistre, samle og skape ekte musikkglede langs kysten.

LES MEIR

tidlegare OPPSETJINGAR

OPERA VED HAVET

Med konsertlokale med saltsprut oppetter veggane og eit program som lukta av både tang og tare, la OperaKysten ut på nok ein miniturné med sine dyktige artistar.

Vår eiga sopran og kunstnarleg leiar Nora Oleanne Sårheim tok med seg pianist Olga Jørgensen på dette eventyret og saman framførde dei både velkjende operasviske og nokre meir ukjende skattar i frå operaverda sitt havrepertoar!

Spelestader var på Eid - Jølster - Måløy - Svanøy - Kalvåg

Dei siste åra har OperaKysten kunne ønske sitt publikum velkommen til konsertar utanfor heimbasen sin i Florø på seinsommaren.  Med mål om å tilby opera til nye publikummarar der dei er, reiste OperaKysten hausten 2025 til fem ulike spelestadar.  Med sine nyskrivne, nynorske gjendiktingar hadde Florøsopranen Nora Oleanne Sårheim denne gongen med seg Stian Økland frå Bergen. Den dyktige pianisten Olga Jørgensen var med på turnéen. Publikum fekk høyre mellom anna utdrag frå Elskovsdrikken, Tosca, Faust og Carmen for å nemne nokre! 

HUMMER OG KANARI - litt av alt!

I 2025 satte OperaKysten saman eit program som levde opp til det gamle uttrykket; Denne kvelden vart einaste fellesnemnar for programmet at vi serverte fantastisk opera av høg kvalitet og av dyktige utøvarar.  Publikum fekk høyre musikk ifrå fleire ulike århundre, 11 ulike komponistar frå 6 ulike land, både i solistform, duettar og med kor. 

LA BOHÈME 2024

Januar 2024 kunne OperaKysten gle seg over å presentere La Bohème av Giacomo Puccini i nynorsk gjendiktning ved Jostein Avdem Fretland.

Det var dramatikk frå første minutt og musikken var hjerteskjerande bra!

Ann-Terese Aasen som regissør klarte kunsten å bygge opp ei forestilling som både var naken og ribba for stafasje, men og fargerik og gripande formidla. Les nokre av mediadekninga her:

oPERAGALLA 2023

I samarbeid med Førde Kammerkor leverte våre solistar første helga i februar ein fullskala operagallakonsert med eit heilt operakor i Førde og Florø.

Det vart servert musikk frå den fantastiske operaverda med smakebitar frå mellom anna Carmen, Flaggermusen, Tosca, Romeo og Juliet, Madama Butterfly og La Traviata.

Det vart ein fantastisk kveld med sopranen Nora Oleanne Sårheim frå Florø, tenor Eivind Kandal frå Gloppen, sopranen Annika Beinnes frå Høyanger og pianist Andreas Løken Taklo frå Florø.

Konferansier Asgeir Øvrebotten held det heile i taumane og passa på at både publikum og dei på scena hadde kontroll over kva som skulle hende gjennom kvelden.

HAUSTTURNÈ 2021

Med støtte frå det lokale næringslivet rulla OperaKysten for fyrste gong ut turnébussen (og båten) og dro ut til eit lokale nær deg. Ein OperaPub-turné var akkurat det både vi og du trong for å lyse opp haustdagane i slutten av oktober 2021

Publikum fekk utdrag i frå både operette- og operalitteraturen, og høyre litt av operaen vi planla å sette opp i januar 2022.

OPERAHISTORIA PASSERER I REVY. 2018

I 2018 baud OperaKysten Florapublikumet på ei nyskaping. Kan ein på under 2 timar gje publikum eit inntrykk av heile operahistoria, ei tidsepoke som spenn over 400 år?

Framsyninga var sett opp 13. januar på Florø Kulturhus, og vart ein stor suksess hos publikum.

OPERAPERLER VED KYSTEN 2017

Operaperler ved kysten var OperaKysten sin første operagalla.  

Operagallaen gjekk av stabelen 1. april 2017 i Florø kyrkje.

OPERETTEGALLA 2020

18. Januar 2020 sette Opera Kysten opp sin første OperetteGalla i samarbeid med kora Fryd og Gammen i Florø Kulturhus.

Det vart servert musikk ifrå den fantastiske verda av operetter, ifrå Lehár til Zeller, Offenbach og Johann Strauss.

MARGUERITE! 2019

Gounod har skrive musikken til dette stykket om Marguérite frå Faust og operaen er basert på det velkjende dramaet Faust del 1 av den tyske nasjonaldiktaren Goethe.

Operaen vart satt opp i Florø Kirke 19 januar 2019.

DER SCHAUSPIELDIREKTOR 2016

Der Schauspieldirektor, Teaterdirektøren, var OperaKysten sin første produksjon.

Der Schauspieldirektor gjekk av stabelen 23. januar 2016 i Florø samfunnshus.